Massugue Jan Baptiste : un republican torretan

Massugue Jan-Baptista : un republican torretan

 

 par Gabriel Chabaud

Decembre 1851 ,  Var e Provença se soslevèron contre lo còp d’estat de Lois Napoleon Bonaparte per sauvar la republica e defendre lo dret. Fòrça gents de nòstre canton fuguèron engajats dins aquesta istòria mai aquò li costèt cher. Jan-Baptiste Massugue que restava au nòstre ne’n perdèt la vida. Aquestei linhas ramenton sa fin tragica.

 

 

Massugue Jan-Baptiste neisse a Torrettas en 1824 onte passa son enfancia. Se retròba militari quauqueis annadas puei s’en torna au sieu e trabalha coma obrier dins una botarià. Dins aqueste tèmps, leis òmes an costuma de se recampar de sera dins de chambrons per beure un còp, per charrar mai tanben per escotar la lectura dau jornau revirat en provençau per un saberut. Jan Baptiste es un sòci de la chambrada torretana dicha de « bienfaisance » ,bailejada per lo manichau dau vilatge que li dien Ipolit Fabre, òme conuissut per seis ideias republicanas. De còps, Massugue s’en va a Faïença au bistròt tengut per Bœuf onte se rescontron lei republicans dau canton, es possible de veire l’avocat Rebuffel Francès e son fraire Beneset, notari a Montauron que donon d’explicas sus leis pensadas novelas.

francois-rebuffel

Francès Rebuffel

 

Quora la republica es restaurada en 1848, lo canton de Faïença es devengut un fogau republican ; aici leis elections donon la majoritat a Ledru-Rollin candidat republican e marcon l’ostilitat de la populacion a Lois Napoleon Bonaparte qu’es elegit coma president de la seconda Republica.

 

Massugue deven un republican arderós e actiu, es tanben companhon de la societat secreta republicana que s’acampa dins una bauma de Mons. Quora lo 2 decembre 1851, Bonaparte, per se mantenir au poder, prefonde la constitucion per un còp d’estat, Var e Bassas-Aups prenon leis armas per defendre la Republica. Es quasi un movament insurrectionau.

 

Lo 5 de decembre Massugue es a Faïença per ajudar lei republicans a prendre la communa, lo bureu dei « depêches » e empachar lo jugi de patz Allongue a sortir de son ostau. Tot aquò es aisat perqué lo consol Martel es republican. De farandolas traverson lei carrieras, d’òmes picon sus de tambors, Faïença es febrosa. Puei una delegacion menada per Fabre e Massugue se recampa davans la communa de Torretas e demanda au consol, Tallent Francès medecin, de li donar lei claus e la cherpa tricolora mai aqueu resista e lei republicans devon quitar la plaça. Dau meme tèmps, si saup qu’una colonna republicana armada de mai de 3000 omes venguda dei Mauras e dau centre Var se recampa a Vidauban per prendre la prefectura a Draguinhan. Dins la nuech dau 6 au 7, Jan Baptiste emé un centenau de republicans  dau canton se recampa au cafè Bœuf  puei quita Faïença per una nuech gelada (a fòrça nevat lo 2). Vòlon prendre la communa de Seilhans e rejonher la colonna republicana a Draguinhan. Mai lei consols bonapartistes de Seilhans, Torrettas e Callian an amolonat força gents armats, mai de cinc cents, ai doas pòrtas de la vila. Quora la colonna republicana a despassat lo Peiron e s’aprocha dau vilatge de Seilhans, lo consol Guès fai picar lei campanas e petar fòrça fusius. Lei republicans pivelats per tant de resistancia refuson de si batre e si desbandon. Vint-un se fan agantar per la garda selhanenca. Leis autrei s’escapon, van s’escondre dins de cabanons aluenchats, lei chefs van si recaptar a Niça. Jan Baptiste Massugue dispareisse quauquei jorns puei s’en torna a Torrettas lo 11 de decembre, lendeman de la batalha de Zau onte lo colonna republicana fuguèt chaplada per l’armada (mai de trenta mòrts e de centenaus de presoniers). Allongue, lo jugi de patz, dona au prefet una tiera de cent-trenta noms de republicans dau canton (quinge Torretans) que van estre recercats per l’armada. Lei militaris arreston Massugue lo 18 a son ostau e lo fan caminar, lei pes entravats per de cadenas, fins a Draguinhan. Après doas setmanas, esquichat au mitan de sei companhons dins aquesta carcé, es mandat au Fort Lamalgue a Tolon onte subreviu dins de conditions terriblas. A la debuta de febrier, una comission lo condamna a estre deportat en Argeria, coma doeis autrei Torretans (Vanide dich lo tolosan e Fabre Ipolit lo manescau). Massugue embarca sus lo bateu Lo Labrador lo 2 de març 1852, se retròba incarcerat dins lo camp de Bourkika (es coma un estalag), trabalha de jorn a bastir camins e rotas. Lei fòrças lo quiton, tomba malaut e defunta a l’espitau de Cherchell lo 26 de decembre 1852 a 28 ans.

 

 

Recerca ais archius departementaus.

 

Chabaud Gabriel

 

 

 

Massugue Jean-Baptiste : un republicain tourrettan

 

 

Décembre 1851, le Var et la Provence se soulevèrent contre le coup d’état de Louis Napoléon Bonaparte pour sauver la République et défendre le droit. De nombreux habitants du canton s’engagèrent dans ce mouvement mais ils en payèrent le prix fort. Jean-Baptiste Massugue qui habitait Tourrettes en perdit la vie. Ces quelques lignes rappellent sa fin tragique.

 

 

Massugue Jean-Baptiste naît à Tourrettes en 1824 où il passe son enfance. Il est militaire plusieurs années puis revient  dans son village où il travaille comme ouvrier tonnelier. A cette époque, les hommes ont l’habitude de fréquenter le soir des chambrées pour boire un coup, discuter, écouter la lecture du journal traduit en provençal par un lettré. Jean-Baptiste est un membre de la chambrée tourrettane dite de « la bienfaisance » dirigée par Hyppolite Fabre, maréchal-ferrant du village et homme connu pour ses idées républicaines. Parfois, Massugue va à Fayence au café Bœuf où il rencontre les républicains du canton. Il est possible d’y côtoyer l’avocat François Rebuffel et son frère Benoît notaire à Montauroux, qui viennent exposer les idées progressistes.

 

Lorsque la République est restaurée en 1848, le canton de Fayence est devenu un foyer républicain ; ici les élections donnent une large majorité au candidat de la gauche républicaine Ledru-Rollin et expriment aussi l’hostilité de la population envers Louis Napoléon Bonaparte qui est élu comme président de la seconde république.

 

Massugue devient un républicain passionné et très actif ; il est également membre de la société républicaine qui se réunit dans une grotte sur le territoire de Mons. Lorsque le 2 décembre 1851, afin de se maintenir au pouvoir, Bonaparte viole la constitution par un coup d’état, le Var et les Alpes de Haute Provence prennent les armes pour défendre la République. C’est un véritable mouvement insurrectionnel.

 

Le 5 décembre, Massugue se joint aux Fayençois pour occuper la mairie, le bureau des dépêches et empêcher tout mouvement au juge de paix Allongue prisonnier dans sa propre maison. Tout ceci se fait facilement car le maire Martel est un républicain. Des farandoles parcourent les rues, des hommes frappent sur des tambours, Fayence est en effervescence. Puis une délégation emmenée par Fabre et Massugue se porte devant la mairie de Tourrettes et exige du maire, François Tallent médecin, la remise des clefs ainsi que l’écharpe tricolore mais celui-ci résiste à tel point que les républicains doivent se retirer. On apprend alors qu’une colonne républicaine armée et forte de 3000 hommes venus des Maures et du centre Var se rassemble à Vidauban pour ensuite prendre la préfecture à Draguignan. Dans la nuit du 6 au 7, Jean-Baptiste rejoint un groupe d’une centaine de républicains du canton qui se rassemblent au café Bœuf puis tous ces hommes se mettent en marche par une nuit gelée (il a beaucoup neigé le 2). Ils veulent prendre la mairie de Seillans et rejoindre la colonne républicaine qui se porte sur Draguignan. Mais les maires de Seillans, Tourrettes et Callian ont organisé la riposte ; ils ont massé plus de 500 hommes en armes aux deux portes de la ville. Lorsque la colonne dépasse le Peyron et se rapproche du village de Seillans, le maire Guès fait sonner le tocsin et déclencher une vaste fusillade. Les républicains, surpris par une telle résistance, refusent de se battre et prennent la fuite, 21 sont faits prisonniers. Les autres s’échappent, se cachent dans des cabanons reculés ; certains traversent le fleuve Var pour se réfugier à Nice. Jean-Baptiste Massugue disparaît quelques jours puis retourne à Tourrettes le 11 décembre, lendemain de la bataille d’Aups où la colonne républicaine vient d’être massacrée par l’armée (au moins 30 tués et des centaines de prisonniers).

 

Allongue, le juge de paix, livre alors au préfet une liste de 130 noms de républicains du canton dont 15 Tourrettans qui vont être recherchés par l’armée. Massugue est arrêté le 18, les militaires l’obligent à marcher les pieds entravés par des chaînes jusqu’à la prison de Draguignan. Après deux semaines passées dans des salles surpeuplées, il est envoyé au fort Lamalgue à Toulon où il survit dans des conditions terribles. En début février, une commission le condamne à la déportation en Algérie avec 2 autres Tourrettans : Vanide dit le Toulousain et Fabre le maréchal-ferrant). Massugue embarque sur le bateau le Labrador le 2 mars 1852 et se retrouve incarcéré dans le camp de Bourkika (une sorte de stalag) où il travaille à la construction de routes et chemins. Les forces l’abandonnent, il tombe malade et meurt à l’hôpital de Cherchell le 26 décembre 1852 à 28 ans.

 

 

D’après une recherche aux archives départementales.

 

 

Chabaud Gabriel